धरानः धरानस्थित बीपी कोइराला स्वास्थ्य विज्ञान प्रतिष्ठानका बाल रोग विशेषज्ञ डा. अरुणकुमार सिंहले ‘बालबालिकाको डाक्टर साथी’ नामक पुस्तक ल्याएका छन् ।
मङ्गलबार एक कार्यक्रमका बीच पुस्तकको विमोचन भएको छ । प्रतिष्ठानका उपकुलपति प्रा.डा. ज्ञानेन्द्र गिरी, प्रा.डा. टंक न्यौपाने, अस्पतालका निर्देशक प्रा.डा. गौरीशंकर शाह, पुस्तकका सम्पादक देवेन्द्र कार्कीलगायतले सो पुस्तकको विमोचन गरे ।
पुस्तकको समीक्षा महेन्द्र बहुमुखी क्याम्पसका नेपाली विषयका प्राचार्य गोपिकृष्ण खतिवडाले गरेका थिए भने कार्यक्रममा शुभकामना मन्तव्य अस्पतालका निर्देशक प्राडा शाह, नेपाली भाषाविद एवं प्राडा न्यौपाने र धरान–१३ का वडाध्यक्ष नेत्रप्रसाद काफ्लेलगायतले दिएका थिए ।
पुस्तक बिक्रीबाट सँकलित रकमको केही प्रतिशत रकम गरिब तथा असहाय बिरामीका लागि खर्चिने उनले बताए । कार्यक्रमको सञ्चालन सो पुस्तकका व्यवस्थापक लक्ष्मी बानियाँले गरेको थिए । पुस्तकमा ४७ वटा विषयमा बालबालिकालाई काम लाग्ने विषयगत खुराक रहेको लेखकले जानकारी दिए ।
फोटोः लक्ष्मण