विराटनगरः अवकाशप्राप्त भारतीय सैनिक बलात्कारको आरोपमा पक्राउ परेका छन् ।
मोरङको सुन्दरहरैंचा–४ का पूर्व भारतीय सैनिक उमेश नेपाल बलात्कारको आरोपमा पक्राउ परेका हुन् ।
१५ वर्षीया बालिकालाई दुई वर्षदेखि पटक पटक बलात्कार गर्दै आएको उनीमाथि आरोप छ । पीडित बालिकाले पनि पटक पटक दुई वर्षदेखि नै बलात्कार गर्दै आएको खुलाएको जिल्ला प्रहरी कार्यालय मोरङका प्रहरी प्रमुख सन्तोष खड्काले जानकारी दिए ।
उनका अनुसार नेपालले आफ्नै घरमा भाडामा बस्ने बालिकालाई बलात्कार गर्ने गरेको पक्राउपछि खुलेको बताए । उनका अनुसार पक्राउ परेका नेपाललाई बुधबार जबरजस्ती करणी मुद्दा चलाउन म्याद थप गरी अनुसन्धान अघि बढाइएको छ । पीडित बालिकाले मंगलबार अभिभावकलाई घटनाबारे जानकारी गराएपछि आज परिवारले नेपालविरुद्ध किटानी जाहेरी दिएका थिए ।