बिर्तामोडः झापा कचनकवल–१ बगान एरिया र गौरीगंज गाँउपालिका–२ दासचौरीबाट तीन भारतीय नागरिक लागूऔषध खैरोहिरोइन ब्राउनसुगर सहित पक्राउ परेका छन् ।
बगान एरियाबाट पक्राउ पर्नेमा भारत बिहार किशनगंज सुखानाडिगी पदमपुरका ३२ वर्षीय फरबेद आलम रहेका छन् । विशेष सुराकका आधारमा जिल्ला प्रहरी कार्यालय झापाबाट खटिएको प्रहरी टोलीले आलमलाई प्लाष्टिकमा उनले लुकाइछिपाइ राखेको १४ ग्राम ८९ मिलिग्राम ब्राउनसुगर सहित पक्राउ गरेको हो ।
यसैगरी गौरीगंजबाट पक्राउ पर्नेमा भारत किसनगंज सिंहमारी ग्रामपञ्चायतका २० वर्षीय मुजफर आलिग र २५ वर्षीय जहागिर आलम रहेका छन् । उनीहरुलाइ दासचौरीस्थितमा खटिएको प्रहरी टोलीले बिहीबार राति सँवा १० बजे ८ ग्राम २०० मिलिग्राम ब्राउनसुगरसहित पक्राउ गरेको हो । पक्राउ परेका तीनैजना भारतिय नागरिक उपर थप अनुसन्धान तथा कानुनी कारबाही अगाडी बढाइएको जिल्ला प्रहरी कार्यालय झापाले जनाएको छ ।
।
हाम्रो कोशी आवाज
