बिर्तामोडः लागूऔषध ब्राउन सुगरसहित प्रहरीले झापाको दमकबाट आज एकजना महिलालाई पक्राउ गरेको छ । ३५ ग्राम ब्राउन सुगरसहित दमक–९को दीपज्योति टोलमा बस्ने ३० वर्षीया रुपा चौधरी पक्राउ परेकी हुन् ।
चौधरीको कोठाबाट कारोवार हुने गरेको सूचनाका आधारमा घटनास्थल पुगेको दमक प्रहरीको टोलीले छापा मारेर ब्राउन सुगर बरामद गरेको जिल्ला प्रहरी कार्यालय झापाले जनाएको छ । झापा प्रहरीका प्रवक्ता डीएसपी राकेश थापाले पलङमुनि पाँच वटा प्लाष्टिकको पोका बनाएर राखिएको अवस्थामा चौधरीको कोठाबाट उक्त परिमाणको ब्राउन सुगर बरामद भएको जानकारी दिए ।
प्रहरीले चौधरीको कोठाबाट ७४ हजार ६ सय १५ रुपैयाँ पनि बरामद गरेको छ ।
हाम्रो कोशी आवाज
