सुनसरीः सुनसरीको बराहक्षेत्र नगरपालिकामा लागूऔषध खैरो हिरोइनसहित दुईजना पक्राउ परेका छन् ।
विराटनगरस्थित १ नम्बर प्रदेश प्रहरी कार्यालयका अनुसार बराहक्षेत्र ७ बोराबाधबाट २८ वर्षीय रामकुमार यादव र २३ वर्षीय श्रवणकुमार चौधरीलाई बुधबार बेलुका पक्राउ गरिएको हो ।
विशेष सूचनाका आधारमा इलाका प्रहरी कार्यालय महेन्द्रनगरको टोलीले बेलुका ६ बजे को ४ प ३३६६ नम्बरको मोटरसाईकलमा सवार दुवैजनाबाट ३ ग्राम २२ मिलिग्राम खैरो हिरोइन बरामद गरेको थियो ।
पक्राउ परेका दुवैलाई सुनसरीकै कोशी गाउँपालिकाका स्थानीय भएको प्रहरीले जनाएको छ । यससँगै प्रहरीले आवश्यक कानूनी कारवाहीको प्रक्रिया बढाएको छ ।
हाम्रो कोशी आवाज
