बिर्तामोडः झापाको मेचीनगरमा एक व्यक्तिको कुटपिट गरी हत्या गरिएको छ ।
मेचीनगर नगरपालिका- ४ का ५० वर्षका पूर्णबहादुर प्रधानलाई एक समूहले कुटपिट गरी हत्या गरेको प्रहरीले जानकारी दिएको छ ।
दोर्जी तामाङमाथि गरेको कुटपिटको विषयलाई लिएर तामाङसहितको समूहले प्रधानमाथि आक्रमण गरेको थियो । त्यसपछि प्रधानलाई उपचारका लागि आम्दा अस्पताल धूलाबारी पठाइएको र उपचारको क्रममा उनको आइतबार राति साढे ९ बजे मृत्यु भएको थियो ।
घटनामा संलग्नको आरोपमा प्रहरीले ३ जनालाई पक्राउ गरेको छ ।
इलाका प्रहरी कार्यालय काकडभिट्टा र प्रहरी चौकी बाहुनडाँगीबाट खटिएको टोलीले प्रेम भन्ने बेमा दोर्जी तामाङ, दिवस लुंगेली मगर र विशाल तामाङलाई पक्राउ गरेको जिल्ला प्रहरी कार्यालय झापाका डीएसपी राकेश थापाले जानकारी दिए । घटना आइतबार रातिको हो ।