विराटनगरः झापा शिवसताक्षी–८ स्थित राजमार्गमा मोटरसाइकलको ठक्करबाट पैदलयात्रीको मृत्यु भएको छ ।
मृत्यु हुनेमा शिवसताक्षी–११ का ३२ वर्षीय रमेश विष्ट रहेका छन् । शनिबार राति सवा ९ बजे को२प ६९७० नम्बरको मोटरसाइकलले पैदल हिँडिरहेका विष्टलाई ठक्कर दिँदा उनी गम्भीज्ञर घाइते भएका थिए ।
गम्भीर घाइते भएका विष्टको बिएण्डसी अस्पताल बिर्तामोडमा उपचारको क्रममा राति पौने १० बजे मृत्यु भएको जिल्ला प्रहरी कार्यालय झापाले जनाएको छ । ठक्कर दिने मोटरसाइकल र चालक शिवसताक्षी–७ बस्ने सन्तोष बेगा नियन्त्रणमा रहेको सो कार्यालयले जनाएको छ ।
यस्तै, उदयपुरको बेलका–८ सेती खोलास्थित मदन भण्डारी सडक खण्डमा पहिचान नखुलेको सवारी साधनले ठक्कर दिँदा एकजनाको मृत्यु भएको छ ।
४० वर्षीय हरि खत्रीको मृत्यु भएको प्रदेश १ ट्राफिक प्रहरी कार्यालय इटहरीले जनाएको छ । खत्रीको घटनास्थलमै मृत्यु भएको हो । सवारी साधनको खोजी तीव्र पारिएको प्रहरीले जनाएको छ ।