विराटनगरः भारतीय बजार जोगबनीबाट अवैधरुपमा भन्सार छली गरी ल्याएका लत्ता कपडा, किचनका आईटम तथा खाधान्न सामाग्रीहरु बरामद गरिएको छ ।
मोरङको विराटनगर–१६ दरैया नहरस्थितबाट अवैधरुपमा भन्सार छली गरी ल्याएका सामानहरु बरामद गरिएको हो । विशेष सुराकका आधारमा जिल्ला प्रहरी कार्यालय मोरङबाट खटिएको प्रहरी गस्ती टोलीले शनिबार बेलुका साढे ६ बजे करिब ९५ हजार २ सय ५० रुपैयाँ बराबरको विभिन्न ब्राण्डका लत्ताकपडा तथा अन्य सामानहरु बरामद गरेको थियो ।
बरामद गरिएको सामानहरु भन्सार कार्यालय रानीमा बुझाउनेतर्फ आवश्यक कारबाही भइरहेको जिल्ला प्रहरी कार्यालय मोरङका प्रहरी नायव उपरीक्षक कविन्द्रकुमार कार्कीले जानकारी दिए ।
हाम्रो कोशी आवाज
