धरानः धरानमा ‘जुन रोएको रात’ नामक कविता सङ्ग्रह समेटिएको पुस्तकको विमोचन गरिएको छ ।
कार्यक्रमका प्रमुख अतिथि प्रा.डा. भोलानाथ पोख्रेल, कवयित्री कुन्ता शर्मा, कवयित्री गणेशकुमारी राई, औजार दैनिकका अध्यक्ष मोतीराज सुनुवारलगायतले सो पुस्तकको विमोचन गरेका थिए ।
गुफाथुम्की गर्जनकी प्रधान सम्पादक जमुना श्रेष्ठको अध्यक्षतामा भएको कार्यक्रममा कवयित्री राईलाई सम्मान समेत गरिएको थियो ।
यस्तै, प्रबोध साप्ताहिक पत्रिकाका सम्पादक, प्रकाशक लम्जेल संघर्षशीलका बुबा रेशबहादुर लम्जेलको श्रद्धाञ्जलीसभा कार्यक्रम पनि आयोजना भएको थियो ।
कार्यक्रममा प्रमुख अतिथि नेकपा माओवादी केन्द्रका केन्द्रीय सचिव तथा पूर्वी कमाण्ड इञ्चार्ज विमल निरौला थिए । कार्यक्रममा प्रबोध साप्ताहिकका उपसम्पादक नरेश विश्वकर्माले स्वागत मन्तव्य व्यक्त गरेका थिए भने कार्यक्रमको सञ्चालन कवयित्री लता कार्कीले गरेका थिए ।
तस्वीरहरुः लक्ष्मण थापा