धरानः धरान उपमहानगरपालिका खेलकुद विकास समितिको आयोजनामा दोस्रो अन्तर कर्मचारी मैत्रीपूर्ण ब्याडमिन्टन प्रतियोगिता सम्पन्न भएको छ ।
शुक्रबारबाट सुरु भएको प्रतियोगिता आज शनिबार सम्पन्न भएको हो । प्रातियोगिता धरान–१३ स्थित रहेको जनपथ विद्यालयको ब्याडमिन्टन कोर्डमा भएको हो ।
प्रतियोगितामा पुरुषतर्फ प्रथम रमेश राई, द्वितीय राजेन्द्र राई, तृतीय राम माबो र चौथो चन्द्र प्रकाश खनाल भए भने महिलातर्फ प्रथम स्वेता राई, द्वितीतय लक्ष्मी तामाङ, तृतीय सम्झना विक र चौथो मिना कुलुङ भएका छन् ।
पुरुष र महिलातर्फका प्रथम, द्वितीय, तृतीय र चौथो भएका खेलाडीले पुरस्कार क्रमशःनगद ५ हजार, ३ हजार, १ हजार ५ सय रुपैयाँसहित प्रमाण पत्र र ट्रफी हातपारे । यस्तै, उत्कृष्ट खेलाडीतर्फ रमेश राई र लक्ष्मीतामाङ घोषित हुँदै नगद एक एक हजार रुपैयाँ पाउन सफल भए ।
सुवास राईको अध्यक्षतामा भएको प्रतियोगितामा विजेता खेलाडीहरुलाई धरान उपमहानगरका प्रमुखतिलक राई, धरानउपमहानगरका सल्लाहकार सदस्य अनिल श्रेष्ठ, शिक्षा महाशाखा प्रमुख रामचन्द्र कार्की र जेनिथ स्कुलका प्रिन्सिपल सुमन जबेगुले पुरस्कार वितरण गरेका थिए ।
कर्मचारीहरुको मनोबललाई उच्च राख्न धरान उपमहानगरपालिकाले वर्षेनी यस्तो प्रतियोगिताहरु आयोजना गर्दै आएको मेयर तिलक राईले जानकारी दिए । प्रतियागितामा २८ पुरुष र २२ जना महिला कर्मचारीले सहभागिता जनाएको धरान उपमहानगरका सामान्य प्रशासन शाखा प्रमुख गणेशप्रसाद खतिवडाले जानकारी दिए ।