चतराः ग्रामीण पत्रकार समूह बराहक्षेत्रद्वारा आफ्नो तेस्रो स्थापना दिवसको अवसरमा रक्तदान कार्यक्रम सम्पन्न गरेको छ ।
सोमबार चक्रघट्टीमा रहेको पारालिगलको भवन पहिलो पटक रक्तदान कार्यक्रमको आयोजना गरिएको थियो । कार्यक्रममा नेपाल रेडक्रस सोसाइटी धरानको प्राविधिक सहयोगमा ४४ प्रिन्ट रगत संकलन भएको संस्था सचिव संगम विष्टले बताए ।
रक्तदान गर्न बराहक्षेत्र नगरपालिका कर्मचारी, इलाका प्रहरी कार्यालय महेन्द्रनगर, बाङगे गाइज, ग्रामीण पत्रकार समूहका सदस्य लगायत विभिन्न व्यक्तिले रक्तदान गरेका थिए । कार्यक्रम बराहक्षेत्र नगरपालिका उपप्रमुख कमल मगरको प्रमुख आतिथ्यतामा सम्पन्न भएको हो । कार्यक्रममा विशेष अतिथि बराहक्षेत्र नगरपालिका प्रमुख प्रशासकीय अधिकृत राजेशप्रसाद पोखरेल, चतरा सामुदायिक बहुउद्देश्यीय सहकारी संस्थाका व्यवस्थापक बाबुराम खत्री ( दाहाल) रहेका थिए ।
प्रमुख अतिथि मगरले भने ग्रामीण पत्रकार समूहले सामाजिक कार्यमा उदाहरणीय कार्य गरेको र रक्तदान कार्यक्रमले समाजको लागि राम्रो काम गरेको भन्दै प्रशंसा समेत गरे । बराहक्षेत्र नगरपालिका कार्यालय, चतरा सामुदायिक बहुउद्देश्यीय सहकारी संस्था लि.महेन्द्रनगर साना सहरी तथा खानेपानी संस्था, बराहक्षेत्र ६ नम्बर वडा कार्यालय, उद्योग वाणिज्य संघ, चतराले विशेष सहयोगमा कार्यक्रम सम्पन्न भएको संस्थाका अध्यक्ष हिरण्य कार्कीले बताए ।