धरानः प्रतिनिधिसभा विघटनविरुद्ध चरणबद्ध आन्दोलनमा रहेका प्रचण्ड–नेपाल नेतृत्वको नेकपाले शनिबारदेखि प्रदेश १ का जिल्लामा विरोध कार्यक्रम राखेको छ ।
शनिबार धनकुटामा, आइतबार तेह्रथुममा र सोमबार सुनसरीमा विरोध कार्यक्रम राखिएको नेकपाले जनाएको छ। तीनै जिल्लाका कार्यक्रमलाई अध्यक्ष माधवकुमार नेपालले सम्बोधन गर्दैछन्।
कार्यक्रममा अध्यक्ष नेपालसहित स्थायी समिति सदस्य वर्षमान पुन, स्थायी समिति सदस्य तथा प्रदेश १ का इन्चार्ज भीम आचार्य, केन्द्रीय सदस्य विष्णु रिजाल लगायतका नेताहरुले सम्बोधन गर्ने तय भएको नेकपाले जनाएको छ।
प्रदेश १ का तीन जिल्लामा हुने विरोधसभा जनसमर्थन आफूतिर तान्न केन्द्रित हुने नेकपाले बताएको छ।
हाम्रो कोशी आवाज
