धरानः सियोन मेथोडिष्ट चर्च धरान–१६ ले आयोजनाा गरेको ‘तेस्रो सियोन फुटसल टुर्नामेन्ट–२०७७ सम्पन्न भएको छ ।
बिहीबार शुरु भएको यो प्रतियोगितामा २० वटा टिमले समभागी भएका थिए । आज साइरेनी चर्च र होसन्ना बप्तिष्ट चर्च, हिसप दशघरे र अनुग्रह चर्च धरानका टिमहरुबीच भएको सेमीफाइनल खेलबाट फाइनल खेलमा प्रवेश गरी हिसप चर्च दशघरेलाई ०–१ गोलले हराउँदै होसन्ना बप्टिष्ट चर्च विजयी बनेको छ ।
विजयी टिमलाई प्रतियोगिताका प्रमुख अतिथी घरान उपमहानगरपालिकाका प्रमुख मेयर तिलक राईले नगद २० हजार, ट्रफी, मेडल र प्रमाणपत्र प्रदान गरे । यस्तै, उपविजेता टिम हिसप चर्च दशघरेलाई नगद १२ हजार, ट्रफी, मेडल र प्रमाणपत्र प्रदान गरिएको थियो ।
फाइनल खेलअघि धरानभरीका मण्डलीहरुको गुरुबाहरुबीच रोचक मैत्रीपूर्ण खेल भएको थियो । यस प्रतियोगितामा हाइस्कोरमा मौसम पुवार मगर, न्यू लाइभ चर्च बेष्ट किपरमा अर्जुन श्रेष्ठ, होसन्ना बप्तिष्ट चर्च बेष्ट प्लेयरमा सिर्जन राई हिसप दशघरेले प्राप्त गरेका थिए ।
कार्यक्रममा बोल्दै प्रमुख अतिथी मेयर राईले धरानलाई खेलकुद शहर भनिने गरेको बताए । फुटसलले गर्दा धरानको खेलकुदमा थप उर्जा मिलेको उनले बताए । ‘फुटसलको गतिविधिले गर्दा धरानलाई फेरि पनि यो धरान खेलकुदको नगरी हो, खेलकुदको राजधानी हो र धरानमा बहुसंख्यक खेलाडीहरु छन् भन्ने प्रमाणित गरेको छ,’ उनले भने । फुटसल प्रतियोगिताले धरानलाई खेलकुदको शहरको रुपमा स्थापित गर्न सहयोग पुग्ने मेयर राईले बताए । सियोन मेथोडिष्ट चर्चका पाष्टर तथा यस प्रतियोगिताका जेनेरल मेनेजर रेभ खड्गबहादुर थापाले सबै बिजेता समूहलाई बधाइ ज्ञापन गर्दै प्रतियोगितालाई सफल बनाउने सबैलाई हार्दिक धन्यवाद व्यक्त गरे ।