धरानः धरानमा वर्षेनी आयोजना हुने बुढासुब्बा गोल्डकपको रौनक यस वर्ष रहेन । आयोजक धरान फुटबल क्लबले रकम अभावले यस वर्ष गोल्डकप गर्न नसकेको पत्रकार सम्मेलनमार्फत् नै जनाइसकेको छ । तर पनि वडास्तरीय चर्चित गोधुली रनिङ कपले रौनक छरेको छ ।
दर्शकको क्रेज बुढासुब्बा गोल्डकपको फाइनल खेलझैं उत्साहपूर्ण रह्यो । यसअघि यस्तै मौसम, यस्तै दर्शकको चाप र क्रेजका बीच बुढासुब्बा गोल्डकप हुने गरेको थियो । शनिबार सम्पन्न फाइनल खेलमा दर्शकको हुटिङ, उत्साह, चाप, क्रेज हेर्दा लाग्थ्यो धरान साँच्चै खेलकुदको सहर हो । प्रतियोगितामा सुरुवात चरणदेखि नै दर्शकको साथ पाउँदै आएको वडा नं. १४ ले १६ लाई ट्राइब्रेकरमा हराएको छ ।
तस्वीरहरुः हाम्रो कोशी आवाज हेरौं, तस्वीरः