धरानः पूर्वाञ्चल बागिना कला केन्द्रले आयोजना गरेको ‘मिस स्टेट-१’ सिजन-३ का सहभागीहरु युवतीहरुले व्यक्तित्व विकास तालिम लिन थालेका छन् ।
उनीहरुले दुईदिने उद्घोषणकला तथा ब्यक्तित्व विकास तालिम लिइसकेका छन् । मङ्गलबार र बुधबार भएको तालिमको सहजीकरण सञ्चारकर्मी तिर्थ कार्कीले गरेका थिए ।
सहभागीहरुलाई तालिम अवधिभर आत्म विश्वासको विकास, ब्यक्तित्व विकास, माइक्रो फोनको प्रयोग गर्ने तरिका, कार्यक्रम सञ्चालन आदि सम्बन्धी ज्ञान दिइएको सहजकर्ता कार्कीले जानकारी दिए ।
बिहीबार ट्राफिक जनचेतनासम्बन्धी कक्षा दिइने र क्रमशः महिला ससक्तिकरण, आधारभूत पत्रकारिता, पर्यटन आदिबारे सहभागीहरुलाई ज्ञान प्रदान गरिने आयोजक संस्था कलाकेन्द्रका अध्यक्ष भक्तिराज राईले जानकारी दिए ।
मिस स्टेट १ बिजेताले स्कुटीसहित क्राउन र अवार्ड प्राप्त गर्नेछन् साथै म्युजिक भिडियोमा खेल्ने अवसर पाउने उनले जानकारी । यस्तै, बिजेताले प्लस टु वा अन्य सङ्कायमा ब्याचलर लेवलमा छात्रवृत्ति प्रदान हुने उनले जानकारी दिए । फष्ट रनरअप र सकेण्ड रनरअपले क्रमशः ५० हजार रुपैयाँ र २५ हजार रुपैयाँसहित क्राउन र अवार्ड प्राप्त गर्ने आयोजकको भनाई छ ।
यस्तै, विद्यागत पुरस्कारतर्फ मिस ट्यालेन्ट, मिस पब्लिक च्वाइस, मिस डिस्प्लिन, मिस पर्सनालिटी, मिस पंचुयल, वेष्ट स्माइल, वेष्ट फिगर, वेष्ट क्याटवाक, मिस चार्मिङ, मिस फोटोजेनिक र मिस एक्टिभ अवार्ड समेत प्रदान गरिनेछ । तस्वीरः प्रशान्त श्रेष्ठ