धरानः पूर्वाञ्चल बागिना कला केन्द्रले आयोजना गरेको मिस स्टेट–१, सिजन–३ का सहभागी युवतीहरुलाई बिहीबार ट्राफिक नियमसम्बन्धी सचेतना गराइएको छ ।
धरानको देशी लाइनस्थित होटल नवयुगको हलमा जिल्ला ट्राफिक प्रहरी कार्यालय सुनसरी, धरानका सई एकराज खड्काले सहजीकरण गरेका थिए ।
ट्राफिक र ट्राफिक प्रहरी भनेको के हो ? सवारी दुर्घटना हुने कारण के के हुन् ? ट्राफिक नियमहरु के के हुन् ? सडकमा हिँड्दा र सवारी चलाउँदा के के कुरामा ध्यान दिने ? ट्राफिक नियम उल्लंघन गर्नेलाई कस्तो कार्वाही हुन्छ भन्ने बारेमा सहभागीहरुलाई सइ खड्काले जानकारी गराएका थिए ।
मिस स्टेटका सहभागीहरु अहिले एक महिने प्रशिक्षणमा रहेका छन् । प्रशिक्षण अवधिभर शिक्षा, स्वास्थ्य, पर्यटन, पत्रकारिता, महिला सशक्तिकरण, भाषणकला,उद्घोषणकला, ब्यक्तित्व विकास आदिको बारेमा प्रशिक्षण गराइने कलाकेन्द्रका अध्यक्ष भक्तिराज राईले जानकारी दिए । तस्वीरः प्रशान्त श्रेष्ठ, तिर्थ कार्की