धरानः इलाका प्रहरी कार्यालय धरानले लागूऔषधसहित पक्राउ गरेका युवालाई सार्वजनिक गरेको छ ।
पक्राउ पर्नेमा धरान–१५ बस्ने २३ वर्षीय मिलन राई रहेका छन् । विशेष सूचनाको आधारमा उनी पक्राउ परेको डिएसपी ज्ञानेन्द्र बस्नेतले जानकारी दिए ।
खोटाङ दिपुङ गाउँपालिका–४ घर भई हाल धरान–१५ ज्ञान चर्चमार्ग डेरा गरेर बस्दै आएका राईलाई खैरो हिरोइन ब्राउनसुगरजस्तो देखिने धुलोसहित समातेको प्रहरीले जनाएको छ ।
डेरा कोठाभित्र उत्तर भागमा रहेको शिशाको टेबल माथि लुकाइ राखेको अवस्थामा लागूऔषध खैरोहेरोइन ९०० सय मिलीग्राम समेत फेला पारी बरामद गरिएको प्रहरीले जनाएको छ । उनलाई सुनसरी जिल्ला अदालतबाट म्याद थप अनुमति लिई लागूऔषध मुद्दामा थप अनुसन्धान भइरहेको डिएसपी बस्नेतले जानकारी दिए ।