धनकुटाः पाख्रिबास-७ मा एक दम्पत्ति मृत फेला परेका छन् ।
राम्चेस्थित जंगलमा मंगलबार एक दम्पत्ति मृत फेला परेका हुन् । मृत्यु हुनेमा पाख्रिबास नगरपालिका–६ तिल्केका करिब २२ वर्षीय सुनिल थापा र २० वर्षीया सिर्जना गुरागाई रहेको प्रहरीले जनाएको छ ।
जिप्रका धनकुटाका डिएसपी सन्तुलाल जैशवालका अनुसार युवकले युवतीको हत्या गरी आफूले आत्महत्या गरेको हुनसक्ने प्रहरीको अनुमान छ । थापा झुन्डिएको र गुरागाई भुईंमा मृत भेटिएको उनले जानकारी दिए ।
श्रीमतीको लास झाँडीमा छोपिएको अवस्थामा फेला परेको घटनास्थलमा रहेको प्रहरीले जनाएको छ । प्रारम्भिक अनुसन्धानले पहिले श्रीमतीको हत्या गरेर श्रीमानले आत्महत्या गरेको हुनसक्ने देखिएको प्रहरीले जनाएको छ ।
माइतमा रहेकी श्रीमतीलाई साथमा लिएर चारदिन पहिले हिँडेका दुवै मंगलबार मृत फेला परेको उनले जानकारी दिएका छन् । कलिलै उमेरमा विवाह गरेका दम्पत्तिको पाँच वर्षीय छोरा छन् ।