धरानः धरानमा मोटरसाइकल एकआपसमा जुधेका छन् ।
धरान-७ स्थित कोशी सडक खण्डमा दक्षिणतर्फ जाँदै गरेको को३२प ६७२६ नम्बरको मोटरसाइकल र विपरीत दिशाबाट आउँदै गरेको को८प ६५७९ नं. को मोटरसाइकल एकआपसमा ठक्कर खाई दुर्घटना हुँदा ६७२६ नं. को मोरङको केराबारी-१ बस्ने वर्ष ३५ को देवी सुब्बा लिम्बू घाइते बनेका छन् ।
६५७९ नं. को मोटरसाइकलका चालक धरान-१० बस्ने वर्ष ४० को नगर प्रहरी विषण गुरुङ समेत घाइते भएपछि उपचारका लागि धरानस्थित बीपी कोइराला स्वास्थ्य विज्ञान प्रतिष्ठान पठाइएको प्रहरीले जनाएको छ । दुवै मोटरसाइकल इलाका प्रहरी कार्यालय धरानको नियन्त्रणमा रहेको डिएसपी ज्ञानेन्द्रबहादुर बस्नेतले जानकारी दिए । सवारी चालक अनुमतिपत्र नभएको र ट्राफिक नियम उल्लंघन गर्दा दुर्घटना भएको प्रहरीले जनाएको छ ।