बिर्तामोडः झापाको अर्जुनधारा-११ रेखा खोलामा करेन्ट लगाएर माछा मार्ने क्रममा करेन्ट लागेर एकजनाको मृत्यु भएको छ ।
मृत्यु हुनेमा सोही स्थानका ३८ वर्षीय धनेन्द्र तामाङ रहेका छन् । आइतबार बेलुका साढे ४ बजे साथीहरुसँग माछा मार्ने क्रममा करेन्ट लागेर घाइते भएका तामाङको उपचारको लागि बिएण्डसी अस्पताल बिर्तामोड पुरयाउनसाथ मृत्यु भएको हो ।
घटनाको सूचना पाएलगत्तै इलाका प्रहरी कार्यालय अनारमनीबाट प्रहरी टोली खटेर तामाङसँग गएका साथीहरु सोही स्थानका ३८ वर्षीय दिलबहादुर खजुम लिम्बू र इलाम घर भई सोही स्थान बस्ने ३२ वर्षीय रमेश एक्तेन लिम्बूलाई नियन्त्रणमा लिई थप अनुसन्धान भइरहेको छ ।
हाम्रो कोशी आवाज
