धरानः धरानमा स्कारपियोले ठक्कर दिँदा एकजना पैदलयात्रीको मृत्यु भएको छ ।
धरान-८ सिद्धकालीचौकस्थित कोशी राजमार्गमा दक्षिण इटहरीतर्फ जाँदै गरेको बा१३च ३०८३ नं. को स्कारपियोले पैदलयात्री धरान-८ बस्ने वर्ष ५४ को डिकप्रसाद बाँस्तोलालाई ठक्कर दिएको थियो । उनको धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा मंगलबार राति ११ः४५ बजे मृत्यु भएको प्रहरीले जनाएको छ ।
स्कारपियो र चालक मोरङ बेलबारी नगरपालिका ५ बस्ने वर्ष ३६ को बुद्ध शेर्पा इलाका प्रहरी कार्यालय धरानको नियन्त्रणमा रहेको प्रहरी निरीक्षक हेमराज ओलीले जानकारी दिए ।
कारमा सवार दुहवी नपा ५ बस्ने वर्ष ७० को निर्माण व्यवसायी सपनकुमार दास समेत सामान्य घाइते रहेको र उनको धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको छ ।
चालक र स्कारपियो इलाका प्रहरी कार्यालय धरानको नियन्त्रणमा रहेको प्रहरीले जनाएको छ । चालकले ट्राफिक नियम उल्लंघन (लेन विपरीत) गरेको कारण दुर्घटना भएको प्रहरीले जनाएको छ । धरानबाट अन्दाजी ३ किमी पूर्व दक्षिण पर्ने स्थानमा सो दुर्घटना भएको हो । दुर्घटना मंगलबार दिउँसो २ः०० बजेतिर भएको प्रहरीले जनाएको छ ।