धरानः धरानमा विश्वव्यापी ढाका फोटो प्रतियोगिता आयोजना भएको छ ।
धरान-१२ स्थित चौबिसे संयक ढाका उद्योगको आयोजना सो प्रतियोगिता आयोजना भएको हो । प्रतियोगितामा नुमिता तेयुङ पहिलो, निसाङमा लिम्बू दोस्रो र रोजनी लिम्बू तेस्रो बनेकी छिन् ।
पहिलो बिजेताहरुलाई २५ हजार बराबरको पुरस्कार, प्रमाणपत्र र अन्यलाई २० हजार र १५ हजार रुपैयाँ पर्ने पुरस्कार प्रदान गरिएको थियो । कार्यक्रमका प्रमुख अतिथि नेपाल आदिवासी जनजाति समन्वय परिषद्का अध्यक्ष सुवासचन्द्र हुक्पाचोङवाङ, किरात याक्थुङ चुम्लुङकी नगर अध्यक्ष् पदमा लिम्बूलगायतले उनीहरुलाई पुरस्कार प्रदान गरेका थिए ।
लिम्बू समुदायको संस्कार, संस्कृतिसँग जोडिएका कुराहरुलाई प्रवद्र्धन गर्नु र पुस्ता हस्तान्तरण हुनु खुशीको कुरा भएको बताए । ‘लिम्बूहरुको ज्ञानकला, सीपलाई जीविकोपार्जनको माध्यम बनाएर बजारीकरण गर्दै संस्कार, संस्कृति जोगाउन भन्दै सांस्कृतिक अभियानमा लागिपर्नु ठूलो कुरा हो’, उनले भने ।
सञ्चालिका यमुना तुम्साले वर्षेनी यस्ता कार्यक्रमलाई निरन्तरता दिँदै जाने बताइन् । उनले आफूले संस्कार, संस्कृति बचाउन र पुस्ता हस्तान्तरणका लागि यस्तो कार्यक्रम आयोजना गरिएको बताइन् ।
तस्वीरहरुः हाम्रो कोशी आवाज