संखुवासभाः नेपाली काङ्ग्रेस सङ्खुवासभा जिल्ला कार्यसमिति सभापतिमा दीपक खड्का विजयी भएका छन् ।
नेपाली कांग्रेस संखुवासभाको नयाँ नेतृत्वका लागि भएको निर्वाचनको दीपक खड्का विजयी भएका हुन् । संस्थापन इतर समूहका उम्मेदवार खड्का अत्याधिक मदका साथ विजयी भएका छन् ।
संखुवासभा जिल्ला अधिवेशनमा कूल १ हजार ३ सय ५२ मत खसेकोमा खड्का १ हजार १ सय ९८ बढी मत ल्याएर विजयी भएका हुन् । उनीसँग चुनावी प्रतिस्पर्धामा राइमान राई रहेका थिए । खड्काका निकटतम प्रतिद्वन्द्वी राईले ११० मत प्राप्त गरेका छन् । खड्का पूर्वमन्त्रीसमेत हुन् । खड्का कांग्रेस वरिष्ठ नेता रामचन्द्र पौडेल समूहका हुन् ।
उपसभापति र सहसचिव पदमा पनि खड्का प्यानलकै विजयी भएका छन् । उपसभापतिमा रामकुमार जिमी, अनन्त गौली, सचिवमा टकमान घले र कुमारबाबु अधिकारी तथा सहसचिवमा किशोरकुमार गुरुङ र सुवास कालाखेती विजयी भएका छन् ।
खड्काको स्थायी ठेगाना धर्मदेवी नगरपालिकाको आँखीभुइँ हो । उनी २०७० सालमा संखुवासभा क्षेत्र नम्बर २ बाट संविधानसभामा निर्वाचित भई खानेपानी तथा सरसफाई राज्यमन्त्री भएका थिए । आइतबार बिहान मतपरिणाम सार्वजनिक भएको हो ।