धरानः धरान गल्फ क्लबको १४ औं साधारणसभा तथा अधिवेशन सम्पन्न भएको छ ।
धरान गल्फ क्लबको १४ औं साधारणसभा तथा अधिवेशनबाट वीरेन्द्रविक्रम लिम्बूको अध्यक्षतामा नयाँ समिति गठन भएको छ ।
क्लबको उपाध्यक्षमा जीतेन्द्र राई, सचिवमा भरत तामाङ, सहसचिवमा सएस प्याकुरेल र कोषाध्यक्षमा सुशीला राई निर्वाचित भएका छन् । यस्तै, सदस्यहरुमा जंगमोहन राई, बमप्रसाद लिम्बू, शुभध्वज लिम्बू, तुलसीराम आङ्देम्बे, झुना राई र शुक्रबहादुर राई मनोनित भएका छन् ।
शनिबार धरान गल्फ क्लबको सभाहलमा नेपाल गल्फ एशोसिएसनका केन्द्रीय उपाध्यक्ष एवं मेयर तिलक राईको प्रमुख आतिथ्यतामा धरान गल्फ क्लबको १४ औं साधारणसभा तथा अधिवेशन सम्पन्न भएको हो । साधारसभामा धरान गल्फ क्लबका कोषाध्यक्ष राजु राईले १२ औं अधिवेशन यताको आर्थिक आय व्यय प्रस्तुत गरेका थिए । मेयर राईले प्रदेश नं. १ को एकमात्र गल्फ कोर्ष धरानमा रहेको बताउँदै यसको संरक्षण गर्न एकजुट भएर लाग्नुपर्ने बताए ।
मेयर तिलक राईको अध्यक्षतामा ५ सदस्यीय निर्वाचन मण्डल बनेको थियो । निर्वाचन मण्डलमा सदस्यहरु धरान गल्फ क्लबका निर्वतमान अध्यक्ष टिका लिम्बू, सल्लाहकार एसपी भीम दाहाल, लेखीराज सुब्बा र विष्णुकुमार राई रहेका थिए ।