धरानः धरान आफैंमा सुन्दर, सफा, मिलेर बसेको सहर हो । यहाँ सौहाद्रपूर्ण वातावरणमा मानिसहरु बस्छन् । धरान धरानेहरुको पाखुरीबाट बनेको सहर हो ।
तर धरानमा धेरै कुराहरु विस्थापित हुँदै गएका छन् । धेरै कुरा धरान हेपिएको छ, यहाँबाट धेरै कार्यालयहरु गएका छन् । धेरै कुरा गएपनि धरानेलाई थाहा हुँदैन, गयो भन्ने पनि थाहा हुँदैन, थाहा भएपनि वास्ता हुँदैन । धरान–१६ मा मेडिकल कलेज थियो, त्यो गयो । अञ्चलाधीश कार्यालय थियो, त्यो पनि गयो । धरानेलाई थियो भन्ने पनि थाहा छैन, गयो भन्ने पनि थाहा भएन । यस्तै, अन्य सरकारी कार्यालयहरु पनि धेरै गए ।
भन्दाखेरी हामी तात्तिएर हामी धराने भन्छौं तर व्यवहारमा छैनौं । यी सबै कुरा हेर्दा धरानले सपना नदेखेर अरुले पो सपना देखिरहेको हो कि भन्ने लाग्छ । गएपनि कसैलाई चासो छैन । नगएपनि छैन । विकास निर्माण भन्ने कुरा समयले निर्धारण गर्ने कुरा हो । मुख्य कुरा स्वास्थ्य, शिक्षा, पर्यटनमा अगाडि हामीहरु त्यसलाई व्यवहारतः अगाडि छैनौं । यसमा धेरै कुरा गर्न बाँकी नै छ ।
एकादेशमा धरान थियो भन्ने अवस्थामा पुग्नु दुःखद् हो । इटहरी कहाँ पुग्यो, हामीलाई इटहरी किन त्यहाँ पुग्यो र यत्रो विकास गरयो भन्ने होइन, आरिस गर्ने समय छैन तर पनि इटहरी त्यहाँ पुग्दा धरानचाहिँ कहाँ पुग्यो ?
सरकारी पक्षबाट जहिलेपनि हेपेको धरान हो । अहिले पनि हेपिएको हेपियै छ । अपहेलित, उपेक्षित सहरलाई जोगाउन धराने उठ्नुपर्छ, जाग्नुपर्छ । यसको लागि निःस्वार्थ भावनाले सबै लाग्ने हो भने सम्भव छ । धरान हाम्रो हो भनेर लाग्ने हो भने पक्कै धरान बन्छ । म धराने, मेरो धरान भन्ने भावना सबैमा जाग्नुपर्छ । धराने तात्तिनुपर्छ ।
धरानका पूर्व नगर प्रमुखका उम्मेद्वार राजविमल श्रेष्ठसँग गरिएको भिडियो कुराकानीः