धरानः सुनसरीको रामधुनी–६ कान्छी चोक–चतरा सडक खण्डमा ट्याक्टर दुर्घटनामा सहचालकको मृत्यु भएको छ ।
आइतबार राति रड लोड गरेको ट्याक्टर दुर्घटनामा पर्दा सहचालक सुनसरीकै चक्रघट्टी निवासी २२ वर्षीय मुकेश मलाहको मृत्यु भएको १ नं. प्रदेश ट्राफिक प्रहरी कार्यालय इटहरीका डिएसपी सुमन तिम्सिनाले जानकारी दिए । आइतबार राति ८ः२० बजे ट्याक्टर दुर्घटनामा परेको प्रहरीले जनाएको छ ।
कालाबञ्जारतर्फ जाँदै गरेको को२त ६४८७ नम्बरको रड बोकेको लोड ट्याक्टर आफै अनिन्त्रित भई रोडको विपरीत दिशामा गई दुर्घटना भएको थियो । ट्याक्टरको पछाडिको ट्रली पल्टिँदा सहचालक मुकेश गम्भीर घाइते बनेका थिए । उनको धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा मृत्यु भएको प्रहरीले जनाएको छ ।
दुर्घटनापछि फरार रहेका ट्याक्टर चालक सुनसरीको बराह–८ का २३ वर्षीय साने उराउको खोजी तीब्र पारिएको प्रहरीले जनाएको छ । तीब्र गतिका कारण ट्याक्टर दुर्घटनामा परेको प्रहरीले जनाएको छ ।