धरानः बैकिङ कसुर मुद्दाको फरार प्रतिवादी सुनसरी धरान उपमहानगरपालिका-१२ का ३३ वर्षीय श्रवणकुमार ठाकुरलाई पक्राउ गरिएको छ ।
बैकिङ कसुर मुद्दामा गत २०७७ माघ २६ गते को सजाय निर्धारण फैसला आदेशले तीन दिन कैद र २ लाख ४० हजार जरिवाना भई असुल गर्न बाँकी रहेका ठाकुरलाई १ नम्बर प्रदेश प्रहरी कार्यालय, आरआइटी विराटनगरबाट खटिएको प्रहरी टोलीले खोजतलास गर्दा गाँउघरमै लुकीछिपी बसेको अवस्थामा पक्राउ गरिएको १ नम्बर प्रदेश प्रहरी कार्यालय विराटनगरका सूचना अधिकृत प्रहरी उपरीक्षक नविनराज राईले जानकारी दिए ।
उनलाई जिल्ला अदालत सुनसरीमा दाखिला गरी कारागार चलान गरिएको छ ।
हाम्रो कोशी आवाज
