धरानः धरानमा बहुभाषिक कविता गोष्ठी हुने भएको छ ।
धरान उपमहानगरपालिकास्थित विभिन्न आदिवासी जनजातिका मातृभाषाहरुको संरक्षण, सम्वद्र्धन तथा मातृभाषामा साहित्यिक लेखनलाई प्रोत्साहन गर्ने उद्देश्यअनुरुप यस्तो गोष्ठी हुन लागेको हो ।
धरान प्रज्ञा प्रतिष्ठानले यस्तो गोष्ठी गर्न लागेको प्रतिष्ठानका गोपाल देवानले जानकारी दिए । यही पौष ८ गते धरान प्रज्ञा प्रतिष्ठानको सभाहल धरान सभागृहमा यस्तो गोष्ठी हुन लागेको हो ।
बहुभाषिक कविता गोष्ठीमा सक्रिय सहभागिताका लागि सबै जातीय तथा भाषिक समुदाय एवम् सम्बन्धित जाति–भाषाका कविहरुलाई अनुरोध गरिसकिएको उनले जानकारी दिए ।
कविता गोष्ठी खुल्ला रहने र कुनै पनि जाति तथा भाषिक समुदायका कविहरुले व्यक्तिगतरुपमा गोष्ठीमा भाग लिन पाउने आयोजकले जनाएको छ । सहभागी कविले आफ्नो मातृभाषासँगै खस नेपाली भाषामा पनि आफ्नो कविताको प्रति प्रस्तुत गर्नुपर्ने, प्राप्त कविताहरुमध्ये निर्णायक मण्डलद्वारा भाव र शिल्पका आधारमा चयन गरिएका ३० वटा कविताहरु वचन वा प्रस्तुतीकरण गरिने, हभागी कविहरुमध्ये उत्कृष्ट पाँच छनौट गरी पुरस्कृत गरिने प्रतिष्ठानले जनाएको छ ।