धरानः धरानमा नेपाल निजामती कर्मचारी युनियनको स्थानीय कार्य समिति गठन गरिएको छ ।
शुक्रबार धरानको प्रथम उपमहानगरपालिका स्तरीय भेलाले गठन गरेको समितिमा सभापति पदमा हिरालाल विश्वकर्मा, (खुलातर्फ) उपाध्यक्षमा शुभनारायण वनेता, (समावेशीतर्फ) उपाध्यक्षमा सितादेवि मगर, सचिवमा विजय शाह, सहसचिवमा डम्बरकुमारी मगर र कोषाध्यक्षमा सगुन किरातलाई चयन गरेका हुन् ।
यस्तै, सदस्यहरुमा उमेश मेहता, उमेश राई, नगेन्द्र तामाङ, सीमा विक र चन्द्रकला राई चयन भएका छन् । उनीहरुलाई कार्यक्रमका प्रमुख अतिथि धरान उपमहानगरपालिकाका मेयर तिलक राई, प्रमुख प्रशासकीय अधिकृत लक्ष्मीप्रसाद पौडेल र नेपाली कांग्रेस धरानका सभापति श्यामप्रसाद पोखरेलले अविर, माला लगाएर बधाईसहित शुभकामना दिएका थिए ।
कार्यक्रममा नवनिर्वाचित पदाधिकारीहरुलाई धरान वडा नं. १८ का वडाध्यक्ष नरेन्द्रकुमार राई (प्रविण), वडा नं. २ का अध्यक्ष माधवगोविन्द श्रेष्ठ, वडा नं. ५ का अध्यक्ष सन्तोष लिम्बू र नेपाल निजामती कर्मचारी युनियन सुनसरीका सभापति निखिल पोखरेलले शुभकामना मन्तव्य राखेका थिए । नेपाल निजामती कर्मचारी युनियन कांग्रेस निकट शुभेच्छुक संस्था हो । कार्यक्रम उमेश राईको सभापतित्वमा सम्पन्न भएको हो ।