धरानः धरान–१२ स्थित सुनाखरी एकेडेमीको कक्षा–११ (कलेज लेवल) मा अध्ययनरत् विद्यार्थीले खेलकुद विधामा जितेपछि विद्यार्थीमाझ नै सम्मान गरिएको छ ।
विद्यालय प्राङ्गणमा एक कार्यक्रमको आयोजना गरी उनीहरुलाई सम्मान गरिएको हो । उच्च शिक्षालय तथा माध्यमिक विद्यालय संघ (हिसान) सुनसरीको स्पोर्टस मिटअन्तर्गत ब्याडमिन्टन र टेबलटेनिस खेलमा सुनाखरी एकेडेमीका विद्यार्थी पहिलो र तेस्रो हुन सफल भएका थिए ।
एकेडेमीका कक्षा–११ मा अध्ययनरत छात्र रोदन राईले ब्याडमिन्टन खेलतर्फ प्रथम स्थान हात पारेका थिए । यसैगरी टेबलटेनिस खेलअन्तर्गत तायानबुङ राई तेस्रो स्थानमा पर्न सफल भएका थिए । विद्यार्थीलाई हौसला प्रदान गर्न र अन्य विद्यार्थीलाई प्रेरणा मिलोस् भनेर सबै विद्यार्थीको उपस्थितिमा उनीहरुलाई सम्मान गरिएको प्रिन्सिपल मिलनकुमार राईले जानकारी दिए ।
उनले विद्यार्थीले पढाइका साथै अतिरिक्त क्रियाकलापमा पनि सफलता हासिल गर्दै जानु विद्यालयको लागि गर्वको विषय भएको बताए । उनले अतिरिक्त क्रियाकलापअन्तर्गत ब्याडमिन्टन, कराँते, टेबलटेनिसलगायतका क्रियाकलापमा विद्यार्थीले सफलता हासिल गर्दै गएको बताए । कार्यक्रममा प्लस टु कोअर्डिनेटर टपकुमार राई, अध्यापक आनन्द सुब्बा, रेश्मा तामाङलगायतले अविर, खदा र सम्मानपत्रले सम्मान गरेका थिए ।
तस्वीरहरुः हाम्रो कोशी आवाज