धरानः गरिमा डान्स सेन्टर धरानले आइतबार खुला बाल एकल नृत्य प्रतियोगिता आयोजना गरेको छ ।
सरस्वती पूजाको अवसरमा धरान-९ आचार्य लाइनस्थित डान्स सेन्टरमा सम्पन्न प्रतियोगिताको सिनियर गु्रपतर्फको प्रथम बरदान तामाङ, दोस्रो कृष्टिना राई र तेस्रो गौरव श्रेष्ठ भएका छन् ।
यसैगरी जुनियर गु्रपतर्फका प्रथम प्रिया राई, दोस्रो खिम्दुङमा राई र तेस्रो ओजस्वी निरौला भएका छन् । दुवै गु्रपका प्रथम, दोस्रो र तेस्रोलाई गरिमाका प्रबन्ध निर्देशक एवं नृत्य निर्देशक मणिकुमार लिम्बूले पुरस्कार तथा प्रमाण पत्र वितरण गरेका छन् ।
यसैगरी प्रतियोगिताको १६ जना प्रतियोगीहरु पनि प्रमाणपत्र वितरण गरिएको थियो । सो प्रतियोगिताको निर्णायकमा नृत्य निर्देशक विनोद लिम्बू रहेका थिए ।