धरानः धरानमा करेन्ट लागेर एकजनाको मृत्यु भएको छ ।
धरान उपमहानगरपालिका १५ कृष्णपथमा करेन्ट लागेर एकजनाको मृत्यु भएको हो । मृत्यु हुनेमा पुष्पाञ्जली मार्गका ३५ वर्षीय मौसम प्रधान रहेको इलाका प्रहरी कार्यालय धरानका डिएसपी नरेन्द्र कुँवरले जानकारी दिए ।
पदमबहादुर गुरुङको घरमा ट्रस लगाउने क्रममा अचानक करेण्ट लागेर छतबाट भुइँमा लडेर गम्भीर घाइते बनेका उनको धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा मृत्यु भएको उनले जानकारी दिए ।
घटनाको जानकारी पाएलगतै घटनास्थल पुगेको वडा प्रहरी कार्यालय धरानले घटना सम्बन्धमा थप अनुसन्धान भइरहेको जनाएको छ । आइतबार बेलुका ६ बजे पदमबहादुर गुरुङको घरमा ट्रस लगाउने क्रममा उनी गम्भीर घाइते बनेका थिए ।