धरानः धरान–इटहरी सडक खण्डमा पर्ने सेउती खोला छेऊमा बस र स्कुटी जुध्दा गम्भीर घाइते बनेका स्कुटी चालकको मृत्यु भएको छ ।
मृत्यु हुनेमा नहकुल आचार्य रहेको जिल्ला प्रहरी कार्यालय सुनसरी धरानका इनिस्पेक्टर भुवनबाबु खड्काले जानकारी दिए ।
गत फागुन १७ गते धरानबाट इटहरीतर्फ जाँदै गरेको यात्रुबाहक बस र धरान आउँदै गरेको स्कुटी जुधेको थियो । ना५ख ६५४६ नम्बरको यात्रुबाहक बस र इटहरीबाट धरानतर्फ आउँदै गरेको को३६प १०२७ नम्बरको स्कुटी जुध्दा स्कुटी चालक धरान–१३ बस्ने वर्ष ५६ को नहकुल गम्भीर घाइते बनेका थिए ।
घाइतेमध्ये स्कुटी चालक बोल्न समेत नसक्ने अवस्थामा थिए । उनको धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको र थप उपचारका लागि उनको विराट नर्सिङ होम लगिएको थियो । उपचारको क्रममा सोमबार राति मृत्यु भएको प्रहरीले जनाएको छ ।