धरानः धरानमा स्कारपियो दुर्घटना हुँदा ९ जना घाइते भएका छन् ।
ललितपुरबाट पाथिभरा मन्दिर पुगेर फर्किएको बा६च ७२६८ नम्बरको सवारी दुर्घटनामा ड्राइभरसहित ९ जना घाइते बनेको इलाका प्रहरी कार्यालय धरानका इनिस्पेक्टर हेमराज ओलीले जानकारी दिए ।
धरानको बुढासुब्बा मन्दिरबाट पिण्डेश्वरी मन्दिरतर्फ झर्दै गरेको सो सवारी ब्रेक फेल भएर ‘टर्निङ’ मा पल्टिन पुगेको प्रहरीले जनाएको छ । दुर्घटना साँझतिर भएको हो । घाइतेहरुको उपचार धरानस्थित बीपी कोइराला स्वास्थ्य विज्ञान प्रतिष्ठानको आकस्मिक कक्षमा उपचार भइरहेको छ । घाइतेमध्ये एकजनाको हात भाँचिएको छ भने अन्यको अवस्था सामान्य रहेको प्रहरीले जनाएको छ । दुर्घटनामा परी मनोहर थापा, अञ्जना थापा, शोभा खड्का, सुमन खड्का, अञ्जना सिग्देल, राधिका पण्डित, लक्ष्मी पण्डित र लक्ष्मीप्रसाद आचार्य घाइते भएको प्रहरीले जनाएको छ । स्कारपियो दुर्घटना हुनुपर्नेमा अन्यथा भएकोले सच्याइएको छ । स. तस्वीरः गोपाल कामत