धरानः धरान–४ स्थित वीरेन्द्र मेमोरियल कलेजले बिएस्सी सिएसआइटी अध्ययनरत् विद्यार्थीका लागि अभिमुखीकरण आयोजना गरेको छ ।
धनकुटाको भेडेटार छेऊमा रहेको नाम्जेस्थित भेडेटार भिलेज रिसोर्टमा सो कार्यक्रम आयोजना भएको हो । चार वर्षे बिएस्सी सिएसआइटीको पहिलो ब्याचमा अध्ययनरत् विद्यार्थीका लागि यस्तो कार्यक्रम आयोजना गरिएको हो । कलेजका प्राचार्य प्रोफेसर ताराबहादुर निरौलाको अध्यक्षतामा सम्पन्न कार्यक्रममा त्रिभुवन विश्वविद्यालयका सिएसआइटीका विभागीय प्रमुख एशोसिएटस प्रोफेसर नुरज पौडेल प्रमुख अतिथि थिए । कार्यक्रममा त्रिविकै दिनेश घिमिरे, ट्रेनर कैलाश खाती श्रेष्ठ, इन्जिनियर मुकेश शाह, एचओडी मञ्जुश्री निरौला, अध्यापक प्रविन सङ्ग्रौला, लेखा शाखाका प्रमुख मनिष खड्गीलगायतको उपस्थिति थियो ।
४८ जनाको कोटा रहेको बिएस्सी सिएसआइटीका लगभग ३५ जनालाई विद्यार्थीका लागि अभिमुखीकरण कार्यक्रम आयोजना गरिएको थियो ।
कार्यक्रमका बोल्दै प्रमुख प्रमुख अतिथि पौडेलले बिएसस्सी सिएसआइटी शिक्षा पूरा हुनासाथ स्वदेश तथा विदेशमा काम पाइने भएकाले यसतर्पm विद्यार्थीको आकर्षण बढेको बताए । ‘यसको प्रयोग हरेक क्षेत्रमा बढ्नुका साथै जनशक्तिको माग पनि उत्तिकै भएकाले विद्यार्थीले आईटी नै अध्ययन गर्न रुचाउँछन् ।’ उनले भने ।
इन्फर्मेेसन टेक्नोलोजी र कम्प्युटिङ क्षेत्रका लागि उत्कृष्ट मानिएको बीएस्सी सिएसआईटी कोर्षमा अध्ययन गर्ने विद्यार्थीको आकर्षण बढेको प्राचार्य निरौलाले जानकारी दिए । युवा पुस्तामा बढ्दै गएको क्रेज र दैनिक उपयोगमा अत्यावश्यक बन्दै गएकाले आईटी क्षेत्र फराकिलो बनेको उनी बताउँछन् । उनले भने, ‘अध्ययनकै क्रममा विदेशी तथा स्वदेशी कम्पनीले कलेजमै आएर विद्यार्थीलाई रोजगारीको प्रस्ताव गर्ने गरेका छन्, सबैले स्वदेश तथा विदेशमा काम गरिरहेका छन् । कोही खाली बस्नुपरेको छैन ।’
उनले यो कम्प्युटर साइन्स र इन्फर्मेसन टेक्नोलोजी मिलाएर बनेको विषय भएको र यो विश्वमै बिक्ने विषय हो, रोजगारमूलक भएकाले भविष्यमा राम्रो काम पनि पाउन सक्ने बताए ।
इन्जिनियर मुकेशले योे कोर्ष ७० प्रतिशत कम्प्युटरमा आधारित हुने र उत्पादित जनशक्ति बजारमा सदुपयोग हुने बताए ।
तस्वीरहरुः हाम्रो कोशी आवाज