धरानः धरान महानगरपालिका–१९ साम्पाङ चौकबाट फरार प्रतिवादीलाई प्रहरीले पक्राउ गरेको छ ।
लागूऔषध मुद्दामा जिल्ला अदालत सुनसरीको गत पुस ।२३ गतेको फैसलाले २ वर्ष ९ महिना १० दिन कैद र १ लाख रुपैयाँ जरिवाना भई फरार रहेका सोही स्थानका ४६ वर्षीय यज्ञबहादुर खड्कालाई पक्राउ गरिएको प्रहरीले जनाएको छ ।
१ नम्बर प्रदेशको प्रादेशिक अनुसन्धान समूहबाट खटिएको प्रहरी टोलीले घरमै लुकिछिपी बसेको अवस्थामा फेला पारी पक्राउ गरेको प्रदेश १ प्रहरी कार्यालयका प्रहरी उपरीक्षक नविनराज राईले जानकारी दिए । पक्राउ परेका खड्कालाई तोकिएको कैद भुक्तानको लागि कारागार चलान गरेको छ ।
हाम्रो कोशी आवाज
