धरानः धरान–१५ स्थित के के इन्टरनेशनल स्कुलले यस शैक्षिक सत्रदेखि ‘ह्यापीनेश पाठ्यक्रम’ को नेपाली रुपान्तरण जीवनमूल्य शिक्षालाई समावेश गरेर पठनपाठन थाल्ने भएको छ ।
स्कुलले एक विज्ञप्ति जारी गर्दै यस शैक्षिक सत्रबाट चेतना विकास फाउन्डेसनको सहकार्यमा जीवनमूल्य शिक्षा समावेश गर्न लागिएको जनाइएको छ । जीवन मूल्य शिक्षा ध्यान तथा सजगताको विकास गराउन, गहन विचार तथा चिन्तनको विकास गराउन, आत्मविश्वास तथा मनोहर व्यक्तित्वको विकास गराउन समावेश गर्न लागिएको स्कुलले जनाएको छ ।
त्यस्तै, स्वयं परिवार र समाजपति उत्तरदायी र जिम्मेवार बनाउन सिकाइप्रति जागरुक तथा सक्रिय बनाउन, सामाजिक भावनात्मक तथा संज्ञानात्मक योग्यताहरुको विकास गराउन, सामाजिक तथा व्यक्तिगत समस्याहरुलाई केलाउन र सहज उपायका बाटोहरु खोज्न सक्ने बनाउन समावेश गर्न लागिएको डाइरेक्टर प्रविन अग्रवालले जानकारी दिए । धरानमा पहिलोपटक यो पाठ्यक्रमलाई लागू गराउन लागिएको उनले जानकारी दिए ।