धरानः धरान उपमहानगरपालिकाका मेयर हर्क साम्पाङले आफू खोला उत्खनन र दोहनको पक्षमा नरहेको बताएका छन् ।
उनले आफूले खोला उत्खनन र दोहन गर्न हुँदैन भनेर प्रस्ताव ल्याएर अघि बढेको बताएका छन् । बिहीबार कार्यपालिका बैठक डाकिएको तर वडाध्यक्षहरु कार्यपालिका बैठकमा अनुपस्थित भएको विषयमा पत्रकारहरुसँगको कुराकानीमा उनले आफू धरान उपमहानगरपालिकामा गीत गाउन नआएको बताउँदै जनताको पक्षमा काम गर्न आएको बताउँदै उनले भने, ‘प्रस्ताव त ल्याउन पाइन्छ होला नि तपाईहरुलाईचाहिँ के लाग्छ, के म खोला भत्काउँ, परिचयसहित भन्नुहोस्, म यो कुर्सीमा मेरो खुशी, मेरो आफ्नो भावना, मेरो आफ्नो मनको गीत गाउन आएको हो, म जनताको एजेन्डा लिएर आएको हुँ, जनताको एजेन्डालाई कार्यपालिकाबाट पारित गराउँछु, त्यो मेरो दायित्व हो, त्यसको लागि म यहाँ आएको हुँ ।’
उता धरान उपमहानगरपालिकामा मेयर बनिसकेर काम गरेर देखाइसकेका पूर्व नगर प्रमुख मनोजकुमार मेन्याङ्बोले साम्पाङको प्रस्तावहरु राम्रा रहेको बताएका छन् । ‘मेयर जीको प्रस्तावहरु राम्रा छन् । सबै नगरवासीहरु प्रस्तावप्रति सकारात्मक देखिनुभएको छ । कार्यपालिकाका सदस्यहरु पनि नकारात्मक देखिनु भएको छैन, सवाल मात्र विधीको हो । कार्यपालिका सदस्यहरुको राय मेयर सा’बलाई विधी पुरयाएर ल्याउने भन्ने मात्र हो जस्तो लाग्छ ।’ उनले भनेका छन् ।
उनले फेसबुकमा लेखेको स्टास यस्तो छ
धरान उपमहानगर पालिकाको कार्यपालिकाको दोश्रो बैठक मेयर जीको समर्थकहरुको विरोध प्रदर्शनका कारण अवरुद्ध भएको खबरले चिन्ता बढाएको छ । नवनिर्वाचित मेयर, उपमेयरले आगामी असार १० गतेभित्र नीति, बजेट तथा कार्यक्रम ल्याउन अनिवार्य छ तर यस्ता अवरोधका कारण समयमा बजेट ल्याउन समस्या आउन सक्ने देखिएकोले, मेयर हर्क साम्पाङ जीको समर्थक नगरवासी दाजुभाइ दिदीबहिनीहरु संयम र अनुशासित भएर दबावमा उत्रिनु जरुरी देख्छु ।
मेयर जीको प्रस्तावहरु राम्रा छन् । सबै नगरवासीहरु प्रस्तावप्रति सकारात्मक देखिनुभएको छ । कार्यपालिकाका सदस्यहरु पनि नकारात्मक देखिनु भएको छैन, सवाल मात्र विधीको हो । कार्यपालिका सदस्यहरुको राय मेयर सा’बलाई विधी पुरयाएर ल्याउने भन्ने मात्र हो जस्तो लाग्छ । लोकतन्त्र भनेको विधीद्वारा चलाइने शासन हो । कसैले विधीको कुरा गर्दा आत्तिहाल्नु पर्ने कुरा त छैन । म जहिले पनि विधीको शासनको पक्षमा उभिने छु । म पनि तपाईहरुको साथमा छु । सबैमा मेरो विनम्र अनुरोध छ, कुनैपनि व्यक्तिको मानमर्दन हुने खालका निराधार आरोप लगाउने कामबाट हामी बच्नु जरुरी हुन्छ । अन्यथा परिणाम अनपेक्षित पनि आउन सक्छ,सबै समयमै होसियार बनौं । हामी सबैको जय होस् । धरानको जय होस् ।