धरानः नेपाल रेडक्रस सोसाइटी विजयपुर उपशाखा धरानको आयोजना सम्पन्न रक्तदान कार्यक्रममा ५४ प्रिन्ट रगत संकलन भएको छ ।
शनिबार धरान–१४ दन्तकाली माविमा अध्यक्ष यशोदा कायस्थको अध्यक्षतामा सम्पन्न कार्यक्रमममा धरानको १४ न. वडा कार्यालयको समेत सहकार्य रहेको थियो ।
कार्यक्रमका प्रमुख अतिथि नेपाल रेडक्रस सोसाइटी सुनसरीका अध्यक्ष उमेश थापाले रगतको अभाव पूरा गर्न रक्तदान कार्यक्रमको आयोजना गर्न विभिन्न संघ संस्थाहरुलाई अनुरोध गरेका छन् ।
धरान १४ नं. वडा कार्यालयका अध्यक्ष कृष्णप्रसाद भट्टराईले रक्तदान कार्य कार्यक्रमलाई आफूहरुले प्राथमिकता दिने गरेको बताए । सेवाको कार्यममा सहयोग गर्ने सहयोगी र सम्पूर्ण रक्तदाताहरुलाई अध्यक्ष कायस्थले धन्यवाद ज्ञापन गर्दै प्रशंसापत्र प्रदान गरिन् । साथै धरान १४, २ र ४ नम्वर वडाध्यक्ष र सदस्यहरुलाई बधाई ज्ञापन र सम्मान गरिएको थियो । कार्यक्रममा उपशाखाका पदाधिकारी एवं सामाजिक व्यक्तित्वहरुको उपस्थिति रहेको थियो ।