धरानः धरान–१२ स्थित सुनाखरी एकेडेमीले ‘एसइई स्टेट–१ डान्सिङ आइडल र सिङ्गीङ आइडल सिजन–२’ मा जित्ने छात्रछात्रालाई सम्मान गरेको छ ।
सम्मानित हुनेहरुमा प्रतियोगिताको डान्सिङतर्फ सेकेण्ड रनरअपको उपाधि जित्न सफल प्रकृति खापुङ रहेकी छिन् । यस्तै, सिङ्गीङतर्फ वेष्ट परफमरको उपाधि जित्न सफल ओङदी तामाङलाई पनि सम्मान गरिएको प्रिन्सिपल मिलनकुमार राईले जानकारी दिए । प्रकृतिले १५ हजार रुपैयाँ नगद र प्लस टु पढ्न ५० छात्रवृत्ति प्राप्त गरेकी छिन् ।
सोमबार स्कुल प्राङ्गणमा विद्यार्थीहरुका बीच उनीहरुलाई सम्मान गरेको हो । स्कुलका प्रिन्सिपल मिलनकुमार राई, डाइरेक्टर प्रदीपकुमार राईलगायतले उनीहरुलाई अविर र खदाले सम्मान गरेका थिए । विद्यार्थीहरुको उपस्थितिमा उनीहरुलाई सम्मान र हौसला प्रदान गरिएको प्रिन्सिपल राईले जानकारी दिए । प्रिन्सिपल राईले छात्रछात्राले उपाधि जितेर स्कुलको गौरव बढाएको बताए ।
उनका अनुसार विद्यार्थीले स्कुलका हरेकजसो अतिरिक्त क्रियाकलापमा जित्दै स्कुलको नाम, इज्जत बढाउँदै आएको बताए ।