धरानः धरान-१६ स्थित युएन, नवोदय कलेजले ‘धरान टपर’लाई नगदसहित सम्मान गरेको छ ।
त्रिभुवन विश्व विद्यालयद्वारा सञ्चालित बिएचएम तेस्रो सेमेस्टरमा धरान प्रथम हुने जानुका राई (३.६४ जिपिए ) र बि एचएम पाँचौ सेमेस्टरमा धरान टपर ऋतु साम्पाङ राई (३.४५ जिपिए) लाई नगद १० हजार र सम्मान पत्रद्वारा सम्मान गरिएको क्याम्पस प्रमुख डम्बरकुमार तुम्बापोले जानकारी दिए ।
कलेजका निर्देशक ज्ञानेश्वर झा, क्याम्पस प्रमुख तुम्बापो र बिएचएम कोर्डिनेटर गगन श्रेष्ठ र प्राध्यापक सिर्जना लिम्बूले उनीहरुलाई सम्मान गरेका थिए । यसैगरी सेमेस्टर टपरहरु र टर्म परीक्षा टपरहरुलाई पनि बधाई, पुरस्कार वितरण र सम्मान गरिएको थियो ।
जानुका राईले निरन्तर प्रथम सेमेस्टर र दोस्रो सेमेस्टरमा पनि प्रदेश टप गरेकी थिइन् भने बिएचएम पाँचौ सेमेस्टरका रितु राईले पनि यसअघि का सेमेस्टरहरुमा निरन्तर प्रदेश टप गरेकी थिइन् । हाल रितु राई कतारको सिलाइन रिसोर्ट पाँच तारे होटेलमा इन्टर्नसीप गर्दैछिन् ।
उनको पुरस्कार र सम्मान पत्र रितुको आमालाई हस्तान्तरण गरिएको कलेजले जनाएको छ । निरन्तर प्रदेशमा उत्कृष्ट नतिजा ल्याउन सफल भएकोले पनि युएन, नवोदय कलेज प्रदेश १ मै ब्रान्ड कलेजको रुपमा स्थापित भएको क्याम्पस प्रमुख तुम्बापोले बताए ।
धरान टपर लगायत सेमेस्टर टपरहरु र टर्म परस्क्षा टपरहरुलाई बधाई तथा शुभकामना दिँदै कलेजका निर्देशक ज्ञानेश्वर झा ले सम्पूर्ण विद्यार्थी अभिभावक साथै प्राध्यापकहरुलाई पनि बधाई तथा धन्यवाद ज्ञापन गरेका थिए । कार्यक्रमको सञ्चालन प्राध्यापक दिब्या झाले गरेकी थिइन् ।