धरानः धरान–१६ स्थित युएन, नवोदय कलेजमा पहिलो चरणको प्रवेश परीक्षा सम्पन्न भएको छ ।
एसइई उत्तीर्ण गरेका विद्यार्थीहरुलाई कक्षा–११ मा नयाँ भर्नाका लागि सनिबार प्रवेश परीक्षा लिएको छ ।
प्रवेश परीक्षामा एसइई स्टेट–१ सिङ्गिङ आइडलका बिजेता, डान्सिङ आइडलका बिजेता, एसइई स्पिकरका बिजेता, जिल्ला टपर, स्कुल टपर लगायतका प्रदेश नम्बर १ का प्रतिभावान विद्यार्थीहरुले प्रबेस परीक्षा दिएको क्याम्पस प्रमुख डम्बरकुमार तुम्बापोले जानकारी दिए ।
कलेजमा साइन्स, म्यानेजमेन्ट, होटल म्यानेजमेन्ट र कम्प्युटर साइन्स अध्यापन हुने तुम्बापोले जानकारी दिए । साइन्स अध्ययन गर्ने विद्यार्थीहरुका लागि अत्याधुनिक प्रयोगशालाका साथै दक्ष अध्यापकहरु भएको साइन्स कोअर्डिनेटर आकाश अधिकारीले बताए ।
होटल म्यानेजमेन्टका लागि प्रदेश नम्बर १ मै ब्रान्ड कलेज भएकाले प्लस टु मा पढ्ने विद्यार्थीहरुले प्राक्टिकल गर्न बिएचएमका लागि बनाइएको किचन ल्याबको प्रयोग गर्न पाउने क्याम्पस प्रमुख तुम्बापोले बताए ।
होटल म्यानेजमेन्टका विद्यार्थीहरुलाई बढीभन्दा बढी प्राक्टिकलमा जोड दिइने होटल म्यानेजमेन्ट कोअर्डिनेटर गगनमान श्रेष्ठले जानकारी दिए । विद्यार्थीहरुलाई पठनपाठन मात्र नभएर उनीहरुको रुचिअनुसारको विभिन्न अतिरिक्त क्रियाकलापमा जोड दिइने कलेजका अध्यक्ष ज्ञानेश्वर झाले जानकारी दिए । नयाँ कुरा सिक्ने र विश्व बजारमा बिक्ने जनशक्ति उत्पादन गर्ने ध्येयले आफूहरु लागेको उनले जानकारी दिए । कक्षा–११ को कक्षा सञ्चालन आगामी साउन २९ गतेबाट हुने उनले जानकारी दिए ।