धरानः कलाकर्मी, कथाकार, निर्देशक तथा निर्माता प्रेम सुब्बाको निर्देशनमा ‘माङगेन्ना’ अर्थात् शिर उठाउनु नामक चलचित्र निर्माण हुने भएको छ ।
लिम्बू संस्कृतिमा आधारित सो फिल्म बन्न लागेको हो । सो फिल्मको धरानमा एक कार्यक्रमका बीच शुभमुर्हत समेत भएको छ । चलचित्रमा किशोर सम्वाहाम्फे, टीकाराम लिम्बू, ममता लिवाङ, बिपना आङछो, आरबी थाङदेन, मुना हुप्पाचोङवाङ, दीपक लाबुङ, हेमु स्मृतिलगायतका दर्जनौं कलाकारहरुको मुख्य भूमिका रहनेछ ।
प्रदेश १ की सामाजिक विकास राज्यमन्त्री विष्णुमाया तुम्वाहाम्फेले सो फिल्मको शुभमूहुर्त गरेकी छिन् । मिक्लाजुङ फिल्मस प्रालिको प्रथम प्रस्तुति रहेको फिल्ममा सागर सिङ्घक तथा टीकारामा लिम्बू निर्माता रहेका छन् । त्यस्तै, सोही चलचित्रको छायाङकन प्रकाश सुब्बाले गर्नेछन् । कार्यक्रममा चलचित्रकर्मी नविन मेन्याङबोले समेत शुभकामना दिएका थिए ।