धरानः धरानमा शताब्दी पुरुष डा. सत्यमोहन जोशीको श्रद्धाञ्जलीसभा सम्पन्न भएको छ ।
धरानको भानुचौकमा १०३ वर्षको उमेरमा स्वर्गवास भएका जोशीको विषयमा चर्चा गर्नुका साथै १ मिनेट मौनधारण र दीप प्रज्वलन गरिएको थियो । नेवाः देय् दबूका संरक्षक, संस्कृतिविद् बाङ्मय शताब्दी पुरुष डा. सत्यमोहन जोशीको निधनले नेवार समुदायमा पनि ठूलो क्षति भएको विचार दवू धरानका अध्यक्ष मनोहर शाक्यले राखे ।
प्रा.डा. टंक न्यौपानेले नेपालको एक महत्वपूर्ण सम्पत्ति गुमाएको बताएका छन् । कार्यक्रममा दवूका केन्द्रीय उपाध्यक्ष अनिल मास्के, सरला कायस्थ लगायतले श्रदाञ्जली र समवेदना प्रकट गरेका थिए । सभामा खलपुचका अध्यक्ष, प्रतिनिधि र विभिन्न जातीय संघ संस्थाहरुको प्रतिनिधिहरुको सहभागिता रहेको थियो ।