धरानः धरान–८ स्थित शहिद स्मृति माध्यमिक विद्यालयका विद्यार्थीहरुलाई वितरण गरिएको छ ।
नैन जानुका विष्ट प्रतिष्ठानले ७५ थान न्यानो कपडा (स्वीटर) वितरण गरेको थियो । विद्यालयका विद्यार्थीहरुका लागि विष्ट परिवारको कोषको ब्याजमध्येबाट सो सहयोग गरिएको कोषका सचिव तथा विद्यालयका प्रधानाध्यापक राम विष्टले जानकारी दिएका छन् ।
उनले शिक्षा र सामाजिक क्षेत्रका केही न केही सहयोग गर्दै आएको परिवारले यसपटक भने जाडोका लागि स्वीटर वितरण गर्ने निर्णय भएबमोजिम गरीएको बताए ।
कार्यक्रममा कक्षा नर्सरीदेखि कक्षा ५ सम्मका ७५ जना नयाँ विद्यार्थीहरुलाई स्वीटर वितरण गरिएको विद्यालयका प्रधानाध्यापक विष्टले जानकारी दिएका छन् ।
विद्यालयका शिक्षक अभिभावक संघका अध्यक्ष चन्द्रबहादुर श्रेष्ठको सभापतित्वमा भएको सो कपडा वितरण कार्यक्रममा विष्ट प्रतिष्ठानका अध्यक्ष भक्तबहादुर विष्ट, दिलबहादुर विष्ट, वडा नं. ८ कै जनप्रतिनिधिद्वय देवीप्रसाद पोख्रेल, देवी लामाको समेत उपस्थिति रहेको थियो भने कार्यक्रम सञ्चालन विद्यालयका शिक्षक राजन बमले गरेका थिए ।
तस्वीरः लक्ष्मण थापा