धरानः धरान–१२ स्थित पब्लिक हाइस्कुलमा बिहीबार श्रीपञ्चमी (सरस्वती पूजा) को अवसर पारेर ‘देवकुमारी–शिवप्रसाद आचार्य’ छात्रवृत्ति स्थापना भएको छ ।
०७९ सालदेखि प्रदान गर्ने गरी छात्रवृत्ति स्थापना भएको स्कुलका प्रधानाध्यापक इन्द्रमोहन झाले जानकारी दिए । ‘दाताले नाम नभन्दिनु भन्नू भएको छ, तर उहाँले ५ वर्षका लागि कन्ट्याक गर्नुभएको हो ।’ उनले भने । कक्षा–१२ को वार्षिक परीक्षामा उत्कृष्ट अङ्कक ल्याउने पहिलो विद्यार्थीले ७२ हजार रुपैयाँ नगद पाउने भएका छन् । त्यस्तै, वार्षिक परीक्षामा दोश्रो हुने विद्यार्थीले ६० हजार रुपैयाँ पाउने भएका छन् । यसैगरी १ जना जेहेन्दार विद्यार्थीले १३ हजार रुपैयाँ पाउने विद्यालयले जनाएको छ । यो छात्रवृत्तिले विद्यार्थीहरुलाई अध्ययनमा मिहिनेतपूर्वक लगनशील भएर लाग्न थप उत्प्रेरित गर्ने प्रअ झाले बताए । स्कुलमा ३ हजार ४ सय २५ जना विद्यार्थी छन् ।