धरानः धरान उपमहानगरपालिका–१७ बाट लागूऔषध गाँजासहित दुई जनालाई प्रहरीले पक्राउ गरेको छ ।
अस्थायी प्रहरी पोष्ट रेल्वेबाट खटिएको प्रहरी गस्ती टोलीले चेकजाँच गर्ने क्रममा को१४प ९३४३ नम्बरको मोटरसाइकल चालक बराहक्षेत्र नगरपालिका–१ का ३२ वर्षीय योगराज राई र पछाडि सवार ३४ वर्षीय दुर्गा राईको साथबाट ४ केजी १ सय ८० ग्राम लागूऔषध गाँजा फेला पारी मोटरसाइकलसहित दुवैजनालाई प्रहरीले पक्राउ गरेको हो ।
पक्राउ परेको उनीहरुको सम्बन्धमा इलाका प्रहरी कार्यालय धरानबाट थप अनुसन्धान भइरहेको डिएसपी बुद्ध श्रेष्ठले जानकारी दिए ।
हाम्रो कोशी आवाज
