धरान : पछिल्लो समय निकै रुचाइएको साङ्गीतिक समूह ‘द इलिमेन्ट्स’ धरान एक्स्पोको नवौं दिनमा प्रस्तुत हुने भएको छ ।
सन् २०२१ मा तीन जना मिलेर सुरु भएको द इलिमेन्ट्स नेपाली साङ्गीतिक क्षेत्रमा छोटो समयमा नै रुचाइएको ब्यान्ड हो ।
नेपाली इन्डी÷अल्टरनेट जर्नको साङ्गीतिक प्रस्तुति दिने इलिमेन्ट्सका ‘बिर्सिने हौ कि’, ‘पुतली’, ‘सीमाना’, ‘उर्जा’, ‘खोज’, ‘अपरिचित’ लगायतका गीत चर्चित छन् ।
इशान राज वोन्त, दिपेश गुरुङ र रौनकसिंह अधिकारी सम्मिलित द इलिमेन्ट्सले हालसम्म बजारमा सात वटा एल्बम ल्याइसकेको छ ।
‘द इलिमेन्ट्स’ मुख्य आकर्षण रहने एक्स्पोमा बेलुका ६ बजेबाट साङ्गीतिक कार्यक्रम सुरु हुने एक्स्पोका संयोजक गोपाल श्रेष्ठले जानकारी दिएका छन् ।
इलिमेन्ट्सलाई स्थानीय कलाकार र समूहले साथ दिने संयोजक श्रेष्ठले बताए ।
एक्स्पोमा यसअघि समिर श्रेष्ठ, छेवाङ लामा, राजेशपायल राई, आस्था राउत, डिल्ली फोम्बो, दीपक लिम्बू, सुगम पोखरेल र ‘सबिन राई एन्ड फारोह’ले आ–आफ्नो प्रस्तुति दिई सकेका छन् ।
सुनसरी उद्योग वाणिज्य संघको आयोजनामा फागुन ११ बाट धरान रङ्गशालामा सञ्चालन भइरहेको एक्स्पो फागुन २० गतेसम्म अयोजना हुनेछ ।
सुनसरीको व्यवसायीक, व्यापारिक, औद्योगिक, कुषि, सूचना तथा प्रविधि, शैक्षिक, पर्यटन क्षेत्रको प्रवद्र्धन गर्ने मुख्य उद्देश्य राखिएको एक्स्पोमा रैथाने, नेपाल, भारत, बंग्लादेश र पाकिस्तानका एक सय २३ स्टलका प्रदर्शनी जारी छ ।