धरानः धरान–१२ स्थित मेघा हिमालयन कलेजमा बार टेन्डिङ (फलेयरिङ मेक्सोलोजी) स्किल कार्यक्रम आयोजना गरेको छ ।
ककटेल एण्ड फ्लेयर एकेडेमी काठमाडौंका फाउन्डर सिइओ इन्टरनेशनल फलेयर बार टेन्डर गुरुप्रसाद दाहालले सो स्किल प्रदान गरेका थिए । धरान मेघाको सिग्नेचर कार्यक्रमको रुपमा परिचित यो कार्यक्रम धरान मेघाले हरेक वर्ष यस्तो कार्यक्रम गर्दै आएको र यसपटक पनि निरन्तरता दिएको होटल म्यानेजमेण्टका हेड अफ डिपार्टमेन्ट पोषण श्रेष्ठले जानकारी दिए ।
देश तथा विदेशमा दक्ष बारे टेन्डरको उच्च माग रहेको र होटल म्यानेजमेण्टका विद्यार्थीलाई मेघाले कक्षा–११ र १२ मा नै यस्तो किसिमको उच्च स्किल प्रदान गर्ने र प्रमाणपत्र समेत प्रदान गनेृ कार्यक्रम रहेको उनले जानकारी दिए । उनका अनुसार कलेजले यसका लागि स्थानीय बार टेन्डरलाई समेत प्लेटफर्म प्रदान गरिरहेको छ ।
एमएच लाउन्ज एण्ड बारका बार टेन्डर सुदीप राई र सोल्टी वेष्टर्न होटलकी कन्चन सुवेदीलाई समेत आफ्नो कला प्रदर्शन गर्ने मौका धरान मेघाले दिएको उनले बताए । कार्यक्रममार्फत् प्रत्यक्षरुमा २०७० भन्दा बढी होटल म्यानेजमेण्टका विद्यार्थीले प्रत्यक्ष लाभ लिन सकेको उनको भनाइ छ ।
विशेषगरी बिएचएम कलेजहरुमा मात्र यस्तो किसिमको उच्च स्किल प्रदान गरिँदै आएको छ तर धरान मेघाले प्ले टु लेवलकै विद्यार्थीलाई यस किसिमको बार टेन्डिङ, वरिष्ठा, बेकरी, हासाफ, पर्सनालिटी डेभलपमेन्ट तालिम, इन्टरभ्यू तयारी कक्षा, फ्रेन्च ल्याङवेजजस्ता कक्षाहरु पनि निरन्तर सञ्चालन गर्दै आइरहेको उनको भनाइ छ ।