धरानः धरान-१६ स्थित यु.एन. नवोदय कलेजकी प्रिजा डाँगी सम्मानित भएकी छिन् ।
बिएचएम आठौं सेमेस्टरमा कोशी प्रदेश प्रथम हुने छात्रा प्रिजा डाँगीलाई शुक्रबार कलेजले सम्मान गरेको हो । कलेजको हलमा एक कार्यक्रमको आयोजना गरी प्रिजालाई सम्मान गरिएको हो ।
कलेजका अध्यक्ष ज्ञानेश्वर झा र क्याम्पस प्रमुख डम्बरकुमार तुम्बापोले २५ हजार नगदसहित सम्मानपत्रले सम्मान गरेका थिए । प्रिजाले त्रिभुवन विश्वविद्यालयले लिएको बि.एच.एम. आठौं सेमेस्टरको अन्तिम परीक्षामा जि.पि.ए. ३ दशमलव ८५ प्राप्त गरी कोशी प्रदेश प्रथम गरेको क्याम्पस प्रमुख तुम्बापोले जानकारी दिए । कलेजका होटल म्यानेजमेन्ट कोअर्डिनेटर गगन श्रेष्ठ, अध्यापकहरु अनिमेश बाँस्तोला र सिर्जना लिम्बूले प्रिजालाई बधाई दिए । आफूले मिहिनेत गरेअनुसार प्रदेश प्रथम भई कलेजले सम्मान गर्दा खुशी लाग्नुका साथै थप हौसला मिलेको सम्मानित छात्रा डाँगीले बताइन् ।